දිනෙන් දින උඝ්‍ර වන අලි මිනිස් ගැටුම්, අවම කිරීමට ගත හැකි ක්‍රියාමාර්ග පිළිබඳව ශ්‍රී ජයවර්ධනපුර විශ්වවිද්‍යාලයේ ව්‍යවහාරික විද්‍යා පීඨයේ 2024.11.29 දින පවත්වන ලද වැඩමුළුවේ දිගුවක් ලෙස අවසන් වසර ව්‍යවහාරික විද්‍යා විස්තාරිත උපාධි පාඨමාලාවේ උපාධි අපේක්ෂක ශිෂ්‍යයන්ගේ ක්ෂේත්‍ර අධ්‍යයන චාරිකාව 2024.12.06 දින, කැකිරාවේදී ක්‍රියාවට නැගුවෙමු. මෙම වැඩසටහනේ මූලික අරමුණ වුයේ අලි මිනිස් ගැටුමට ප්‍රධානවම මුහුණ පාන කැකිරාව, ඉපලෝගම, ගනේවල්පොල හා ඒ ආසන්න ගම්මාන ආවරණය කරමින් ග්‍රාමීය ජනතාව දැනුවත් කිරීම සහ ඔවුන්ගේ අදහස් හා යෝජනා ලබාගැනීමයි.
විශ්වවිද්‍යාල ශිෂ්‍යයන් ලෙස මෙම ගැටලුවට අප උගත් දෑ උපයෝගී කර ගනිමින් කාලීන විසදුම් යෝජනා කිරීම සදහා විශේෂ අවධානයක් යොමු විය.
මෙම වැඩසටහන සාර්ථක කරගැනීමට මගපෙන්වූ අප විශ්වවිද්‍යාලයේ උපකුලපතිතුමා, පීඨාධිපතිතුමා, ව්‍යවහාරික විද්‍යා විස්ථාරිත උපාධි පාඨමාලාවේ සම්බන්ධීකාරක, මහාචාර්ය පහන් ගොඩකුඹුර ගුරු මෑණියන් ඇතුලු අධ්‍යයන කාර්‍ය් මණ්ඩලයටත්, සාමාන්‍ය පාලන අංශය, මූල්‍ය අංශය ඇතුලු සියලුම මහත්ම මහත්මීන්ටත්, මෙම මහගු අවස්ථාව ලබා දුන් හුස්ම සංවිධානයේ සභාපති කැලුම් මහේශ් මහතාටත් වනජීවි සංරක්ෂණ දෙපාර්තමේන්තුවේ වනජීවී රක්ෂිත මෙහෙයුම් කළමනාකරණ අධ්‍යක්ෂක මංජුල අමරරත්න මහතාටත්, වනජීවි සංරක්ෂණ දෙපාර්තමේන්තුව, කැකිරාව පොලිසිය, ප්‍රාදේශීය ලේකම් කාර්යාලය, විදුලි ඉංජිනේරු කාර්යාලය, ගොවිජන සේවා දෙපාර්තමේන්තුව, ග්‍රාම සේවා නිලධාරී මහත්ම මහත්මීන්ටත්, මෙම ග්‍රාමයන්හි ප්‍රදේශවාසීන්ටත් අපගේ ගෞරවය සහ ස්තූතිය පුද කර සිටිමු. මේ සදහා සහයෝගය දැක්වූ ශිෂ්‍ය ශිෂ්‍යයාවන්ටත් ස්තූතිය පුදකර සිටිමු.
ජනතාව, වගාබිම් සහ වනජීවීන් රැකගැනීමේ අරමුණින් මෙවැනි වැඩසටහන් තවදුරටත් ක්‍රියාත්මක කිරීමට අප බලාපොරොත්තු වෙමු.
