Shoebill

Kingdom – Animalia

Phylum – Chordata

Class – Aves

Order – Pelecaniformes

Family – Balaenicipitidae

Genus – Balaeniceps

Species – B.rex

මොවුන්ගේ විද්‍යාත්මක නාමය Balaeniceps rex වන අතර Whalehead, Shoe-billed stork, Whale-headed stork යන නම් වලින් ද හඳුන්වනු ලැබේ. ඇතැම් පුද්ගලයින් මෙම කුරුලු විශේෂයට අලංකාර පෙනුමක් ඇති බව පවසන අතර ඇතමුන් සිතන ආකාරයට මොවුන්ට ඇත්තේ බියකරු පෙනුමකි.

Shoebill ගේ උස සාමාන්‍යයෙන් 110cm – 140cm පමණ වන අතර ඇතමුන් 152cm පමණ වේ. වලිගයේ සිට හොට දක්වා දිග 110cm – 140cm දක්වා විය හැකි අතර පියාපත් 230cm – 260cm පමණ දිගු වේ. බර 4Kg – 7Kg දක්වා බව වාර්තා වේ. පිරිමි සතෙකු සාමාන්‍යයෙන් 5.6Kg පමණද ගැහැණු සතෙකු 4.9Kg පමණ වේ. මොවුන් සතු විශේෂ ලක්ෂණය වන විශාල හොටය අලු පැහැති සලකුණු සහිත පිදුරු පැහැති එකකි. Shoebill සාමන්‍යයෙන් ආහාරයට ගන්නේ මාළුන් ය. මීට අමතරව දියනයින්, කටුස්සන්, මෙන්ම කුඩා කිඹුල් පැටවුන් ද ආහාරයට ගනිති. සිය ගොදුරට සෙමෙන් හා සැඟවුණු ආකාරයකින් ඇදී යන Shoebill කුරුල්ලන් දඩයම් කරන අතරතුර හොටය ඉතා සෙමින් ඉදිරියට ගෙන යයි. වෙනත් විශාල වෝඩර්වරුන් මෙන් නොව මොවුන් මුලුමනින්ම දර්ශනය භාවිතා කරමින් දඩයම් කරන අතර උපායශීලී ලෙස දඩයම් කිරීමෙහි යෙදී සිටිති. ගොදුර දුටු විට ඉක්මන් ප්‍රචණ්ඩකාරී ප්‍රහාරයක් දියත් කරයි. වඩාත් සිත් ගන්නා සුලු කරුන නම්, ගොදුරක් ලබා ගැනීම සඳහා පැය ගණනක් චලනය නොවී නිශ්චලව සිටගෙන සිටීමයි. මොන තරම් ඉවසීමක් ද?

Shoebill සතු විශේෂ පුරුද්ද වන්නේ තම පාද මතටම මළපහ කර ගැනීමයි. ඒ මගින් පාද ආවරණය වන අතර මළපහ වාශ්ප වී යන විට සම සිසිල් වීම සිදු වේ. හුදකලා සත්ත්ව විශේෂයක් වන මොවුන් යුගල වශයෙන් දැකිය හැකි වන්නේ ප්‍රජනක සමයේදී පමණි. වාසස්ථාන අහිමි වීම හා දඩයම් කිරීම හේතුවෙන් Shoebill ගහණය පහත වැටී ඇති අතර සොබාදහම සංරක්ෂණය සඳහා වූ ජාත්‍යන්තර සංගමය( International Union For Conservation of Nature ) පවසන අන්දමට නිවර්තන නැගෙනහිර අප්‍රිකාවට ආවේණික මෙම පක්ශි විශේෂය වඳ වී යාමේ තර්ජනයට ලක්ව ඇත.

Visit our blog for more articles- https://science.sjp.ac.lk/zsjp/

Article by- Yuresha Liyanarachchi

Design by- Dinul Anuka(ZSJP Media Crew)