අපූරු සමුද්‍ර ජීවියා- මුහුදු හාවා (Sea Bunny)

Article by – Yuresha Liyanarachchi

අපූරු සමුද්‍ර ජීවියා- මුහුදු හාවා (Sea Bunny)
Jorunna parva යන විද්‍යාත්මක නාමයෙන් හදුන්වනු ලබන මෙම අපූරු සමුද්‍ර ජීවියා සැබවින්ම හුරුබුහුටි හාවෙකු මෙනි.

Kingdom – Animalia
Phylum – Mollusca
Class – Gastropoda
Superfamily – Doridoidea
Family – Discodorididae
Genus – Jorunna
Species – J.parva

සාගරවාසී කුඩා මොලස්කා විශේෂයක් වන මොවුන්ගේ ශරීරය සෙන්ටිමීටර් 2.5 ක පමණ දිගකින් යුකත වන අතර ශරීරයේ කන්, වලිගය සහ ලොම් වැනි ව්‍යූහ දක්නට ලැබේ. හාවෙකුගේ මෙන් පෙනුමක් ඇති බැවින් මිනිසුන් විසින් මොවුන්ව මුහුදු හාවුන් (Sea Bunny) ලෙස හඳුන්වනු ලැබේ. ඉන්දු පැසිෆික් සාගරයේ දකුණු අප්‍රිකාවේ සිට මධ්‍යම පැසිෆික් සාගරය දක්වා කලාපය තුල ජීවත් වන මුහුදු හාවුන්ගේ වඩාත් ජනප්‍රිය ආකාරය වන්නේ කළු පැහැති ලප සහිත සුදු පැහැ ජීවීන් වේ. නමුත් සාමාන්‍යයෙන් කහ, කොල සහ තැඹිලි පැහැයෙන් යුක්ත වර්ණවත් J.parva වරුන්ද දැකගත හැකිය.

මොවුන්ගේ ශරීරයේ පිටුපස ප්‍රදේශය කුඩා ඉදිකටු පොකුරු වැනි ව්‍යූහයන්ගෙන් සෑදුනු ලොම් කබායක් වැනි කොටසකින් ආවරණය වී ඇත. මෙම කොටසෙහි නිශ්චිත කෘත්‍යක් මේ වන විටත් හඳුනාගෙන නොමැති අතර එය සංවේදී කෘත්‍යක් ඉටු කල හැකි බවට විද්‍යාඥයන් මත පල කරයි. කන් හෝ හිසට ඉහළින් දක්නට ලැබෙන ඇන්ටෙනා වැනි ව්‍යූහයන් සංවේදී ඉන්ද්‍රියන් වේ. Genus Jorunna හි අනෙකුත් බොහෝ සාමාජිකයන් මෙන් ම Jorunna parva ගේ ආහාරය වන්නේ family Chalinidae හි ස්පොන්ජින් ය. කෙසේ වෙතත් මෙම අලංකාර මුහුදු හාවුන් ඉතා විෂ සහිත වන අතර එමගින් විලෝපිකයන්ගෙන් ආරක්ෂා ප්‍රජනනය මගින් තම වර්ගයා බෝ කරනු ලබන J.parva වන්ගේ ආයු කාලය වනුයේ මාස කිහිපයක් පමණි.

Visit our blog for more articles – https://science.sjp.ac.lk/zsjp/
Article by – Yuresha Liyanarachchi
Design by – Sahanma Nipuni (ZSJP Media Crew)