Victoria Crowned Pigeon

Article by – Ashani Wijeyerathne

224114964_376589057309945_1312378757856824594_n

විශ්මිත ලෝ දසුන් වලින් අප සිත් මන්මත් කරවන මෙවන් සොබාදහමක් නිර්මාණය වූයේ කෙසේද යන්න අප කාටත් ප්රශ්නාර්ථයක්.එවන්වු තවත් එක් සොබාදහමේ ආශ්චර්යයක් ගැනයි මේ කතාව.සියොත් ලොවේ
සුන්දරත්වය අතින් ප්රමුඛ ස්ථානයක් උසුලන , නිව් ගිනියාව තම නිජබිම කරගත්,පරවි පවුලේ සාමාජිකයෙක් වන මොහු නමින් Victoria Crowned Pigeon ලෙස හඳුන්වයි.
වගුරු බිම් සහා තාල කුලයේ ශාක සහිත වනපෙත් තම ජීවනස්ථානය ලෙස තෝරා ගෙන ඇති අතර, මොහු රක්තවන් නෙත් සහිත නිල්වන්
අළු පැහැති ශරීරයකට උරුමකම් කියයි.මේ කුරුලු රාජයා , තම හිස මත විශාල, ඔටුන්නක් බදු වූ ,ජාල පියාපත් වලින් සැදුම්ලත් අනර්ඝ නිමැවුමක් දරා සිටියි.මෙම නිමැවුම පාදක කොට ගෙන, බ්රිතාන්ය රජ , වික්ටෝරියා රැජින සිහිපත් වීම සඳහා මෙම නාමය තබන ලදී.
අලුයමින් , ආහාර සොයා ගෙන යාමට තම රංචුවට එක් වන ඔහු ,බූම් බූම් යන හඩින් තම රැල අමතයි.සියොත් කුලයේ වුවත් , වැඩි කාලයක් ගොඩබිම ගත කරන අතර, රාත්රී කාලයේදී රුක් වියනක් හෝ විශාල තිරස් රුක් අත්තක සෙවණ සොයා පියාසර කර තම ගිවන් නිවා ගනියි.
මේ ඔටුනු රජු තම දිවිය පුරාවටම එක් සහකාරියක් සමග පමණක් වාසය කරන අතර,තම සොදුරු කැදැල්ල රුක් අතු හා මුල් වලින් නිමවා ගනියි.ඒ සුව කැදැල්ලේ වරකට, ඉලිප්සාකාර හැඩයෙන් යුත් ,අදුරු නිල් පැහැයට හුරු ස්වේත වර්ණ සහිත එක් බිත්තරයක් පමණක් දමයි.
ක්ෂීරණය සදහා මොවුන් හැඩ ගැසී තිබීම තවත් එක් විශේෂත්වයක් වන අතර, ගැහැණු හා පිරිමි දෙපාර්ශවයටම ක්ෂීරණය කළ හැක.
විශාල වටිනාකමක් දරන මේ සියොත් කැල මිනිස් උකුසු ඇස් හමුවේ දඩයමට ලක් වන නිසාවෙන් , වර්තමානය වනවිට තර්ජනයට ලක් වීමට ඉඩ ඇති (Near Threatened) කාණ්ඩයට එක් වී හමාරය.

Visit our blog for more articles- http://science.sjp.ac.lk/zsjp/
Article by – Ashani Wijeyerathne
Design by – Sahanma Nipuni (ZSJP Media Crew)

You may also like...

Leave a Reply

Your email address will not be published. Required fields are marked *