ලොව කුඩාම පක්ෂියා – හම්මිංබර්ඩ්

Article by- Shashikala Wickramasinghe

240936929_390007152634802_7817857510541588029_n

ලොව කුඩාම පක්ෂියා ලෙස සැලකෙන හම්මිංබර්ඩ් හෙවත් ගුමන කුරුල්ලා දීප්තිමත් පිහාටු වර්ණයන්ගෙන් යුක්ත වේ. දළ වශයෙන් ග්රෑම් 20 ක් පමණ බර වන මොවුන් සෙන්ටිමීටර 7 සිට සෙන්ටිමීටර 22 අතර දිගකින් යුක්තය. වෙනත් විශේෂ මෙන් රංචු වල සංක්රමණය නොවන මොවුන් සාමාන්යයෙන් සැතපුම් 500 ක් පමණ තනිව ගමන් කරයි.ඉතා වේගවත්ව පියාපත් සලන මෙම කුරුලු විශේෂය හම්මිංබර්ඩ් ලෙස හඳුන්වන්නේද පියාපත් සැලීමේදී ඇති වන “හුම්…” ශබ්දය නිසාවෙනි.

ගුමන කුරුල්ලන්ගේ තවත් විශේෂ ලක්ෂණයක් වන්නේ ඉදිරිපසට, ඉහළට, පහලට, පැත්තට මෙන්ම පිටුපසටද පියාසර කිරීමට ඇති හැකියාවයි. මල් පැණි ප්රධාන ආහාරය වන අතර ඒ සඳහා අසාමාන්ය දිගැති සිහින් හොටක් පිහිටා ඇත.

මේ වන විට මෙම කුරුලු විශේෂ 300 කට අධික ප්රමාණයක් සොයාගෙන ඇති අතර බටහිර අර්ධගෝලය තුළ ව්යාප්ත ව ඇත. බහුල වශයෙන් ඇමසන් ගංඟා කලාපයේ ජීවත් වන මෙම විශේෂය සංක්රමණික ජීවන රටාවක් පෙන්නුම් කරයි.
තියුණු වර්ණ දෘෂ්ඨියක් ඇති නමුදු ආඝ්රහණ හැකියාවක් නොමැති මෙම විශේෂයේ දේහ උෂ්ණත්වය වේගවත් පියාසැරියකදී 42 C° පමණ ඉහළ යන නමුත්, අඳුරේදී නිෂ්චලව සිටින විට 17 C° පමණ දක්වා තියුණු පහල වැටීමක් දක්නට ලැබේ.

වසර නවයකට නොඅඩු ආයු කාලයක් සහිත ගුමන කුරුල්ලන් තම කූඩුව අත්තක් මත මෘදු ශාක කොටස් යොදා ගනිමින් සාදන අතර ගැහැනු කුරුල්ලන් විසින් වරකට බිත්තර දෙකක් පමණක් දැමීම සිදු කරයි. දින 15 ත් – 19 ත් අතර කාලයකදී පැටවුන් බිහි වන අතර පැටවුන් රැකබලා ගැනීම හා ඔවුන් පෝෂණය කිරීම ආදී සියල්ලම ගැහැනු කුරුල්ලන් විසින් සිදු කරයි. දින 20 – 25 අතර කාලයක් පැටවුන් කූඩුව තුල වාසය කරන අතර අනතුරුව නිදැල්ලේ යමින් තම ආහාර තමා විසින්ම සොයා ගනිමින් ජීවත් වේ.

හඳුනා ගැනීමට නොහැකි තරම් වේගවත් පියාසැරියක් හා දැකුම්කළු වර්ණ සංකලනයන්ගෙන් යුක්ත හම්මිංබර්ඩ් අපගේ දැවැන්ත පෘථිවියේ කුඩාම පක්ෂියා පමණක් නොව, ස්වභාවධර්මයේ විශ්මයජනක සැරසිල්ලක් ලෙසින්ද හැඳින්විය හැකිය.

Visit our blog for more articles- http://science.sjp.ac.lk/zsjp/
Article by- Shashikala Wickramasinghe
Design by- Sahanma Nipuni (ZSJP Media Crew)

You may also like...

Leave a Reply

Your email address will not be published. Required fields are marked *